بسم الله الرحمن الرحيم
اللهم صل على محمد وعلى آله وصحبه أجمعين اما بعد..
اقدم بهاذا معروضي واطلب من سعادتكم... احس اني ياكتبت مقدم معروض على وضيف من كثر كتابات المعاريض
لا صراحتن والي يبي الفايد والي ضهره فيه الم ومايخليه يرتاح انا هالشي حصل معي قبل 6 سنوات عندما كنت طالب في الثاني الثنوي حصل الم بالضهر بسبب كورة القدم الله لايذكره بالخير لاحد يقول الابسبب هوشه وعلى قولتنا خنقه لاتطمنو بسبب كورة كنت استعرض بسوي مقصيه ومن العافيه ومسوي متحمس الا انا ضهري ملتوي مثل ضهر الجنين في بطن امه ودب على الارض عاد المشكله ماهو مزروع
المهم اخذت شهور وانا اراجع المستشفى ماافادني الا بحبوب ومراهم تزيل الالم فقط لاغير وكل ماقوم نوم يرجع الالم وكاني توي مسوي مقصيه كورة
قصه طويله صح لا بس عشان تصدقون
المهم ياجماعت الخير وانا في المدرسه في حصة انجليزي واذكرها للحين والمدرس الله يذكره بالخير مصري وصعيدي وحتى بعد قبلي من ديار الصعيد الله يوفقه بالخير اقسم بالله ياجماع الخير انه كان بمكانة اب لي وكنت معه ولا كاني طالب كاني واحد من عياله وبذاك الوقت كان كبير بالعمر لاكن كانت نفسه شبابي يعني زقرتي رجال بمعنى الكلمه مثل كل مره اذا كان مافيه درس اخذ الكرسي واجي عنده واجلس وطقة سوالف حتى اقسم بالله كل اربعاء انا وياه وباقي الاخوان نطلع بر من الضهر لين الساعه 12 بليل بس طلعه على ضهر خروف نجدي يحبه قلبك
المهم هو عرف مشكلتي والم الضهر عندي نصحني بعلاج اقولكم عليه خطير مو اي واحد يطبقه لاكن انا طبقته ونجحت معي والحمدلله ضهري زي الفولاذ ماشالله علي خلوكم معي وصفة العلاج شحم ثعبان والي ماعرف الدسم الي موجود في الثعبان
الطريقه الي قالي عليه وسويته والي يبي النصيحه رحت انا وثنين من العيال ندور على ثعابين في وقت الصيف في اماكن عندنا نلقابه ثعابين فيه ثعبان يقاله (( الحيه ام قرون)) حنيش واما ادراكم الحنيش هاذا يتواجد في الطعوس الي يدفن نفسه ويخلي قرونه طالعه وطريقة كشفه صعبه عند الي مايعرف المهم صدناه في الة يقاله (المكناس) وهو حي دخلنا في علبة ببسي من الجم الكبير وصكرنا عليه بدون مايدخله هواء ملعون الخامس مامات جلس يهوش قلت اصبر على موتك على يدي اخذت بنزين من لسيارة شوي وصبيته في العلبه ورجيته من القهر ابيه يموت بدون ضرب
المهم خليته في السيارة معنا رحنا عاد نقنص وبعد ساعتين رجعت له مودع الحياه الاخ حنيش طلعناه وقمنا نشتغل عليه الطريقه في التشريح
مشرط ويديك لايكون فيها جروح انتبه ليئنه قطرة سم منه على لجرح توديك في ستين خبر ان واخواتها
نسئل السلامه للجميع
جيت لراسه ومن تحت فكه التحتي ليئني انيابه تجي في فكه الفوقي او العلوي شرحناه بخط مستقيم من فكه التحتي الين ماوصلنا بطنه ومن بطنه لنهايته فتحناه مثل الكتاب او الدفتر طلعنا العرق حق السم ويجي عرقه انتبهو عرقه شفاف وخفيف والي لابس نضارات انصحه لايسويها المهم استخرجنا العرق بدون مانفصله من الراس يعني بس طلعنا العرق عن بطنه وضهره بدون فصل من الراس يعني خل عرقه لاتفصله من انيابه بس طلعه لين راسه وخله الي بس يطلع من بطنه وضهره عاد تجيك الطريقه السهله راح تلاقي شحم وفير كانها كور وكثير ياجماعت الخير ماكنت احسب ان الثعبان عليه شحم كذا المهم استخرجنا الشحم وحطيناه في اناء من حديد وحطيته على نار هادئه لين ذاب الشحم واصبح ذايب طفيت النار عنه وخليته يبرد على راحته وتقريبن خليته ثلاث ساعات تقريبن رجعت له صاير مثل المرهم الي تصرف من المستشفيات لاكن مفعوله ولا اي مرهم بالعالم يجي مثل مفعوله المهم اخذت منه وحطيته علي ضهري ومسحت ضهري فيه ومن بكرا ضهري طلع زي الفولاذ وجا من بكرا جيته وحبيت راسه مثل اي ولد يحب راس ابوه قالي لاتخليه استخدمه كل ما جيت تبي تنام استخدمته ثلاث مرات من باب الضمان وخليته والحين لي 6 سنوات ماعرف الم الضهر
مابيكم تدعون لي ابيكم تدعون له بالخير هو من مصري من بلاد الصعيد وقبلي اضن ان قبيلته كان يقولي من الوردة او الزهرة المهم حول هاذا الاسم واسمه نبيل الله يجزاه خير وكنت القبه ابو عدي تدرون ليش؟؟
لو تشوفونه تقولون صدام حسين حي مامات يخلق الله من الشبه اربعين سبحان الله
وكانت مره وفي ساحت المدرسه هو مطلعنا في وقت الشتاء في الشمس تعرفون نتشمس والي يعرف كلامي نقوله المشراق قاعدين طقة سوالف واخذيت الشماغ حقي ولبسته ابو عدي وكان عندنا مدرس من عيال عمي واخذت عقاله ولبسته اقسم بالله ابو عدي اذا لبس الشماغ وتحياتي لكم بالعافيه
ارجو الحذر والاستخدام بدقه وحذر وادعو لبو عدي بالخير...
تشرفتم بمرور صفحتي للاسفاده
منقول..
الرئيسية 
